Shake Shack

Félagar mínir þeir Árni Torfason og Brynjar Gunnarsson komu til New York á vormánuðum. Daginn eftir mikla gleði í garðinum heima hjá mér var ákveðið að skella sér í góða borgara, svona til að rétta sig aðeins af. Þótti mér það tilvalið tækifæri til að sjóða saman stutt video fyrir New York bloggið!

Má ég kynna…

Hvar er Shake Shack?
Madison Square Park á 23 stræti (Suð-Austur horni garðsins)
New York, NY 10010
Sími: (212) 889-6600

691 8th Ave
New York, 10036
Sími: (646) 435-0135

154 E 86th St
New York, 10128
Sími: (646) 237-5035

366 Columbus Ave
New York, 10024
Sími: (646) 747-8770

[ Sjá alla staðina á korti ]

Flokkar: Matur, Myndbönd, Skyndibiti
Stikkorð: , , , , , , ,
Athugasemdir: 1 athugasemd

Veðurfar í NY

Við Íslendingar ættum að vera öllu vön þegar kemur að veðri, en það er oft ágætt að minna á það að þó svo við búum á eyju sem ber nafnið ÍSland, þá er ekki þar með sagt að það sé alltaf sól og sumar í útlöndum. Rennum snögglega yfir árstíðirnar í New York.

VETUR

Vetur stendur sirka frá nóvember og út febrúar. Það kom mér á óvart hversu kalt það getur orðið í New York, hef til dæmis orðið vitni að -20°C eina nóttina þegar ég var að labba heim. Þó svo mikill kuldi sé nú ekki algengur er mjög algengt að það sé á milli -8°C og 5°C. Það er oft blautt á götnum, annað hvort út af rigningu eða slabbi. Það getur líka orðið ansi snjóþungt, eins og veturinn 2010-2011, þá gerði þrisvar sinnum mikla hríð og setti allt á kaf í borginni, og þá meina ég Á KAF. Þannig að, ef þú ert að koma á þessum mánuðum til New York, vertu tilbúin(n) í samskonar veður og heima á Íslandi.

VOR

Vorið er oftast frá mars og fram í miðjan maí. Það getur stundum verið napurt framan af þannig að það er mikilvægt að taka mér sér góðan jakka. Hitastigið reikar á milli 5°C og 15°C, en það ber að hafa í huga að það rignir oft á þessum árstíma þannig að takið Nokia stígvélin líka með ykkur!

SUMAR

Sumarið er tíminn söng einhver, og því er ég sammála. Sumarið í NY er lengra en við Íslendingar eigum að venjast, það er frá kannski lok maí og alveg út september. Hitinn er ofast 25-30°C en í júlí og ágúst getur farið reglulega upp í 35°C, þökk sé global warming! Vindurinn er alltaf heitur og fínn, en það ber að hafa í huga að stundum getur rignt hressilega seinni part dagsins, það er nú ekki alltaf samt! Stuttbuxur og bolur er klárlega málið yfir sumarið.

HAUST

Þeir kalla september haust en það er svo gott veður ennþá í september (steady 20-25°C) að ég myndi segja að haustið væri í raun bara október og kannski hálfur nóvember. Hitastigið er sirka 10-15°C, og bara frekar millt í alla kanta. Það er alveg klárt mál að haustið er fallegasti tíminn í New York, en því miður er haustið aðeins áminning um að veturinn sé að koma.

Þannig að, veðrið er svolítið extreme hérna í New York, eitthvað sem við ættum að þekkja vel, en hérna á það sérstaklega við um hitastigið. Það getur oft breyst um 10 gráður á innan við nokkrum klukkutímum. Ætli það sé ekki rakinn sem gerir það að verkum, en hann er mun meiri í við eigum að venjast. Verið bara við öllu búin og tékkið á weather.com áður en lagt er í hann!

Flokkar: Hagnýtar Upplýsingar
Stikkorð: ,
Athugasemdir: 0 athugasemdir

Staten Island Ferry

Eitt sem fólk virðist stundum ekki átta sig á er að það er hægt að taka ferju frá suður odda Manhattan og yfir til Staten Island frítt! Hvað er hægt að gera á Staten Island spyrðu þá kannski? Ég skal segja ykkur það! Akkúrat ekki neitt!

Málið snýst ekki um Staten Island þannig lagað heldur þá staðreynd að ferjan siglir framhjá Frelsisstyttunni margfrægu og það er einnig hægt að fá fínt útsýni yfir downtown Manhattan bæði þegar þú siglir frá Manhattan, sem og að Manhattan.

Ferðin tekur sirka 25 mínútur í sitthvora áttina. Þú ferð um borð á Whitehall Terminal á Manhattan, þegar þú kemur svo yfir til Staten Island þá röltir’u bara frá borði og síðan um borð í hinn bátinn sem bíður eftir því að leggja af stað til Manhattan. Þeir nefnilega vita að fullt af fólki sem kemur frá Manhattan ætlar sér að taka fyrsta bátinn aftur til baka, þannig að þeir bíða alltaf eftir því að leggja af stað til Manhattan fyrr en báturinn frá Manhattan er kominn! Sniiiiiðugt!

Allavega, þetta er fínasta sigling í klukkutíma fyrir nákvæmlega 0 krónur!

Flokkar: Afþreying, Samgöngur
Stikkorð: , , , ,
Athugasemdir: 0 athugasemdir

L’Express

L’Express er franskur veitingastaður á Park Avenue. Hann sameinar það besta úr franskri matargerð og gerir það á frekar ódýran hátt. Ég er búinn að fara þarna mjög oft og aldrei orðið fyrir vonbrigðum með matinn eða verðið. Þjónustan er oftast mjög góð og staðurinn sjálfur er oftast þétt setinn og mjög líflegur. Ég mæli hiklaust með L’Express í hádegismat, það er svolítið þannig stemmning yfir honum, meira heldur en “fínt út að borða á laugardagskvöldi” kind of thing.

Lítið tips: Ostakakan á L’Express er hreint út sagt frábær og klárlega besta ostakaka sem ég hef á ævinni smakkað. Ég hef gleypt nokkrar á L’Express í gegnum tíðina og hafa þær í 90% tilvika verið alveg magnaðar. Í hin 10% skiptana hef ég kannski fengið síðustu sneiðina af köku sem var nokkrum mínum of lengi úr kælingu…eða eitthvað, hún var allavega ekki alveg 110%! En ofast eru þær frábærar og algjörlega þess virði að tékka á L’Express bara út af þeim!

Hvar er L’Express?
249 Park Ave S
New York, NY 10003
Sími: (212) 254 5858
[ Sjá á korti ]

Flokkar: Matur, Sætindi, Veitingastaðir
Stikkorð: , , , ,
Athugasemdir: 0 athugasemdir

Black Hound

Black Hound er bakarí á 2 avenue og einn mikilvægasti staður sem ég hef fundið í New York. Þetta er voðalega einfalt, ef þú ákveður að gera þér ferð á Black Hound, þá er það alveg 99,9% tryggt að þú átt eftir af yfirgefa staðinn með bros á vör og hugsa til þess hveru mikill snillingur Sigurjón er… ég vona það allavega.

Það hjálpar alveg til að vera forfallinn sælkeri (eins og ég) til þess að njóta Black Hound alla leið, það er samt ekki skilyrði. Það er erfitt að vita hvar maður á að byrja til að reyna að lýsa kökunum þarna, en besta útskýringin á Black Hound er að það er “high-end bakarí”. Hvað þýðir það? Jú, þú finnur ekki kleinuhringi og formkökur þarna inni, allar kökurnar sem þeir bjóða upp á gætu átt heima á safni. Þær eru klárlega listaverk, en það sem er enn merkilegra er að þær smakkast jafnvel betur en útlitið gefur til kynna. Kökurnar eru í dýrari kantinum, sirka $20, en SVO þess virði!

Lítið tips: Ef ÉG væri þú, þá myndi ég kaupa kökuna sem er fremst, og til vinstri, á myndinni hérna fyrir neðan. Ef þér finnst hún ekki vera besta kaka sem þú hefur á ævinni smakkað, þá skal ég éta köttinn minn (ég hef fengið nokkra einstaklinga til að prufa hana og þeir hafa allir samþykkt að þetta er besta kaka frá upphafi lífs).

Hvar er Black Hound?
170 2nd Avenue (milli 10th og 11th strætis)
New York, NY 10003
[Sjá á korti]

Flokkar: Matur, Sætindi
Stikkorð: , , , ,
Athugasemdir: 1 athugasemd

Oceana

Oceana er sjávarréttastaður á 49 stræti, og eini veitingastaðurinn í New York sem ég hef prófað, sem er með Michelin stjörnu. Það er augljóst hvað þarf að gera til að eignast Michelin stjörnu, það er allt pottþétt þarna inni. Ég var allavega mjög heillaður af þessum stað, hann er virkilega flottur að innan, afslappað andrúmsloft, þjónustan frábær og svo var maturinn auðvitað maturinn alveg út úr öllu korti.

Það sem er líka gott við þennan stað er að hann er ekki hrikalega dýr, sem flestir aðrir Michelin staðir í New York eru. Ef maður fer alla leið og panta 3ja rétta máltíð, þá er maður að ganga út með sirka $100 reikning á mann. Það er ekki slæmt, margir Michelin staðir í New York eru að hengja á þig a.m.k. $200 dollara fyrir svipaða máltíð.

Ég mæli ekki með neinu sérstöku á matseðlinum, allt sem ég smakkaði var þrusu gott. Ég mæli því bara með þessum stað almennt fyrir þá sem vilja fá sér sjávarrétti á svolítið fínni stað en venjulega. Mjög heppilegur staður fyrir sérstök tilefni.

Hvar er Oceana?
120 West 49th Street (milli 6th og 7th avenue)
New York, NY 10020
[Sjá á korti]

Flokkar: Matur, Veitingastaðir
Stikkorð: , , , ,
Athugasemdir: 0 athugasemdir

Brgr

Brgr (borið fram “Burger”) er líka þessi fíni hamborgara staður sem gerir sig út á það að nota aðeins nautakjöt frá kúm sem borða ekkert annað en gras, en ekki korn eins og flestar kýr éta nú til dags hérna í Bandaríkjunum. Þetta skilar sér í betra kjöti, og betri borgurum auðvitað.

Brgr býður upp á fjölbreytt úrval af borgurum, svo velur sér meðlæti (til dæmis sætar franskar kartöflur) og drykk. Kostar sirka $10-15, fer auðvitað eftir því hvað þú hleður miklu á pöntunina.

Lítið tips: Ef það er einhvern tímann gott tækifæri til að taka mjólkurhristing með borgara þá er það á Brgr. Þeir eru “handmade” og eru afskaplega góðir!

Hvar er Brgr?
287 Seventh Avenue (milli 26th and 27th St)
New York, NY 10001
[Sjá á korti]

1026 Third Avenue (milli 60th and 61st St)
New York, NY 10065
[Sjá á korti]

Flokkar: Matur, Skyndibiti
Stikkorð: , , , ,
Athugasemdir: 0 athugasemdir

Söfn í New York

Listaunnendur fá sko heldur betur mikið fyrir sinn snúð í New York en hér er að finna einhver mögnuðust söfn heims. Hérna koma þau sem standa upp úr.

The Metropolitan Museum of Art

Ef þú hefur tíma/áhuga fyrir aðeins eitt safn þá skaltu heimsækja Metropolitan safnið. Þvílíkur staður. MET safnið er eitt frægasta safn veraldar. Það inniheldur það yfir tvær milljónir hluta og spannar víst um 5000 ár af menningu. Ekki skemmir húsnæðið fyrir, en það er um 200.000 fermetrar.

Lítið tips: MET tekur við frjálsum framlögum, þannig að miðinn kostar það sem þú vilt að hann kosti. Þeir mæla með því að fólk borgi $20 fyrir miðann, og get ég alveg tekið undir það að fólk sem er kannski að koma þarna einu sinni á ævinni (eða 1x á ári) borgi þá upphæð til að styrkja safnið. En þetta er auðvitað undir þér komið, sjálfur fer ég sirka 5x á ári í safnið og borga fyrir það sirka samtals $20.

Hvar er MET?
1000 5th Avenue (við 82 stræti)
New York, NY 10028
Sími: (212) 535-7710
[Sjá á korti]

Museum Of Modern Art

Á meðan MET safnið er kannski flottasta og merkilegasta safnið, þá er MoMA eitt frægasta nútíma listasafn heims. Þar er hægt að finna allt frá klassískum málverkum upp í vel hönnuð húsgögn. Fyrir þá sem hafa gaman af listum, þá er MoMA kannski mikilvægara safn er MET, en fyrir 80 ára gamlan bónda frá Íslandi gæti ég trúað að MoMA væri verra en Abu Ghraib fangelsið í Írak. Fer allt eftir því hvar áhugi þinn liggur.

Það kostar $20 að skella sér í MoMa, og er vel þess virði ef þú hefur áhuga á listum.

Hvar er MoMA?
11 West 53rd Street (milli 5 og 6 avenue)
New York, NY 10019
Sími: (212) 708-9400
[Sjá á korti]

The Whitney Museum of American Art

Whitney er eins og nafnið gefur til kynna, nútíma listasafn sem fókusar mest megnis á Ameríska list. Safnið er í svipuðum standard og MoMA, og fyrir þá sem ætla sér að heimsækja eins mörg söfn og hægt er, þá er eins gott að gleyma ekki Whitney safninu.

Það kostar $18 að heimsækja Whitney.

Hvar er Whitney?
945 Madison Avenue (á horni 75 strætis)
New York, NY 10021
Sími: (800) 944-8639
[Sjá á korti]

Guggenheim Museum

Ég veit ekki alveg hvað á að segja um Guggenheim annað en það er gríðarlega virt nútíma listasafn, sérstaklega virt meðal listamanna og það er talið fínna að vera með sýningu í Guggenheim en í MoMA svo dæmi sé tekið. Sjálfur hef ég ekki séð margt í Guggenheim sem mér fannst rosalega flott og skemmtilegt, en það hefur komið fyrir. Byggingin er auðvitað mögnuð, og mikilvægur partur af því að heimsækja safnið. Eins og með Whitney þá er mikilvægt fyrir þá sem ætla sér stóra hluti í listaskoðun, að tékka á Guggenheim.

Það kostar $18 að heimsækja Guggenheim.

Hvar er Guggenheim?
1071 Fifth Avenue (við 89 stræti)
New York, NY 10128
Sími: (212) 423-3500
[Sjá á korti]

American Museum of Natural History

American Museum of Natural History, oftast kallað The Natural History Museum, er flottasta náttúrufærði safn Bandaríkjanna. Ég mæli sterklega með því að fólk heimsæki þetta safn, sérstaklega barnafjölskyldur. Ég get lofað þér því að barnið þitt á eftir að skemmta sér vel þarna inni, og þú líka!

Lítið tips: Eins og með MET safnið þá tekur AMNH við frjálsum framlögum, þannig að miðinn kostar það sem þú vilt að hann kosti. $16 er aftur á móti það verð sem safnið mælir með að þú borgir.

Hvar er AMNH?
79 Street og Central Park West
New York, NY 10024
Sími: (212) 769-5200
[Sjá á korti]

Flokkar: Afþreying
Stikkorð: , , , , ,
Athugasemdir: 0 athugasemdir

Frá Newark (EWR) til Manhattan

Ég hef örugglega farið hátt í 25-30 ferðir til og frá JFK en aðeins 6 ferðir til og frá Newark flugvelli (EWR) til Manhattan. Iceland Express eru hinsvegar farnir að fljúga á Newark þannig að fjöldinn allur af Íslendingum mun nú þurfa að leggja upp í þetta ferðalag.

Að fara til og frá EWR er mjög svipað því að fara til og frá JFK. Möguleikarnir eru þeir sömu og verðin eru líka nokkuð svipuð. Þrátt fyrir það þarf að hafa það í huga að Newark flugvöllur er ekki í New York fylki, heldur í New Jersey og það flækir málin smávegis, aðallega þegar kemur að leigubílunum.

Leigubíll: Það er fræðilegur möguleiki á því að taka gulan “New York leigubíl” en þú skalt alls ekki stóla á það. Ég veit ekki alveg af hverju en NY leigubílarnir bíða yfirleitt ekki eftir farþegum við utan Newark, þeir keyra fólki frá Manhattan, rukka fyrir farið, tolla OG tolla til baka, og láta sig síðan hverfa. Kannski er það vegna þess að þeir taka ekki sénsinn á því að þurfa að bíða lengi eftir viðskiptum fyrir utan flugvöllinn, eða hvort Newark flugvöllur er með samning við leigubílaþjónustu í fylkinu. Þegar þú kemur út þá er möguleiki að taka leigubíla fyrir utan flugstöðina. Þú þarft hinsvegar að vita hvert þú ert að fara á Manhattan/Brooklyn/Queens því öllu er skipt upp í “zone” og fer verðið eftir því hvaða zone þú biður um. Við leigubílaröðina er kort sem sýnir kort af NY, skipt upp í þessi zone. Það er yfirleitt einhver sem stjórnar leigubílaröðinni og hann/hún getur hjálpað þér ef þú ert eitthvað villt(ur). Farið er svipað dýrt og frá JFK, sirka $50-75 eftir því hvert þú ferð. Sjá hvernig Manhattan er skipt upp.

Lest: Eins og á JFK er flugvallalest á Newark, nem að það er aðeins ein endastöð á Newark sem þeir skírðu því snaggaralega nafni “Newark Liberty International Airport Station”. Þegar þangað er komið hefur þú tvo valkosti að koma þér niður á Manhattan, NJ Transit lestina eða Amtrak testina. Munurinn er enginn, taktu bara þá sem kemur næst en þær ættu að detta inn á sirka 20 mín fresti og taka þig beint inn á Penn Station, Manhattan. Vertu bara viss um að þú sért að taka þær í rétta átt því það gæti sett smá dæld í ferðina þína að enda í Philadelphia, allt vegna þess að þú sofnaðir í rangri lest frá Newark. Þú þarft ekki að hafa neinar áhyggjur af því að þetta sé eitthvað flóknara ferli, það er alltaf eitthvað fólk þarna á staðnum sem getur hjálpað og lestakortin eru nokkuð auðlæsileg. Gera ráð fyrir að heildarkostnaður við þessa leið sé um $12.

Rúta: Það er ekki neitt eitt fyrirtæki sem sér um að keyra á milli Newark og Manhattan. Það eru nokkrir möguleikar í stöðunni og ef þú hefur áhuga á því að taka rútu, þá skaltu kíkja á síðurnar hjá Newark Liberty Airport Express og Super Shuttle.

Flokkar: Hagnýtar Upplýsingar, Samgöngur
Stikkorð: , , , , , , , ,
Athugasemdir: 2 athugasemdir

Þjórfé

Eitt af því sem er frábært við Ísland er að við erum blessunarlega laus við að gefa þjórfé. Út um allan heim þykir þetta eðlilegt og margir lifa eingöngu á því þjórfé sem þeir þéna. Í New York er þetta mjög algengt og stundum er því haldið fram að borgin sé hreinlega byggð á því að fólk gefi þjórfé.

Það er töluverður fjöldi af ólöglegum innflytjendum í New York og stór hluti þeirra vinna á veitingastöðum, að þrífa af borðum og vinna í eldhúsinu. Störf sem venjulegur kani nennir ekki að vinna. Öllu þessu fólki er borgað svart og þannig er verðinu haldið niðri. Þannig að þjórfé er mjög mikilvægt þáttur til að halda öllu gangandi hérna.

Þú átt alltaf að gefa þjórfé, þó svo þú sért ekki endilega 100% sátt(ur) við þjónustuna. Mundu, þú gefur alltaf gefið minna til að koma á framfæri skilaboðum.

Hérna koma nokkrar “reglur” um þjórfé.

Á VEITINGASTÖÐUM

  • Ef allt var eðlilegt, þá er ætlast til þess að þú gefir 15-18% þjórfé af heildar upphæðinni.
  • 10-12% þjórfé ef þjónustan var ekki góð. Þjónninn var þurr á manninn, þú beiðst lengi eftir öllu, ekki var fyllt á drykki, og svo framvegis.
  • Ef allt var frááááábært og þú ferð út þvílíkt sátt(ur) = 20% þjórfé.

Á BAR

  • Einfalt mál, 1$ á hvern drykk sem þú pantar. Bjór sem kostar $6, mun kosta þig á endanum $7.
  • Ef barþjónn ákveður að gefa þér frían drykk (þetta er beint að ykkur stelpur) sem kostar kannski $10, þá skilur þú eftir $5 í þjórfé fyrir þann drykk.

HÓTEL

  • Að láta einhvern bera fyrir þig töskur, $1-2 á hverja tösku.
  • $1 til $10 dollara á nóttina fyrir að þrífa herbergið. Fer eftir því hversu dýr nóttin kostar og hversu mikill verk það var að þrífa (stærri herbergi kosta meira en lítil).
  • 15-18% ef þú færð mat afhentan upp að dyrum.

ANNAÐ

  • Leigubíll. 15% af heildar upphæð. Meira ef þú fékkst hann til að keyra hraðar, eða baðst hann um einhverja auka þjónustu sem hann veitti. Meira um leigubíla.
  • Limmó, 20% af heildar upphæð.
  • Ef einhver lagði bílnum þínum og sækir hann fyrir þig: $2-3.
  • Mistök sem ég hef gert: Þegar þú lætur klippa á sér hárið, þá borgar þú klipparanum 15% af verðinu sem stofan rukkar þig.

Þrátt fyrir að það sé ætlast til þess að þú gefir þjórfé, þá getur alltaf komið upp sá möguleiki að þú gefir ekkert. Ef hlutirnir voru svo slæmir, þá mæli ég með því að fólk skilji eftir eitthvað, svo viðkomandi átti að þú varst virkilega ósátt(ur). Ég hef tvisvar sinnum á 5 árum skilið eftir 1 cent í tips á veitingastað, bara til að sýna fram á óánægju mína. Þannig að ef það kemur upp, gefðu þá 1 cent. Fólk sem lifir á þínu þjórfé, en vogar sér að vera með stæla eða hroka við þig af engri ástæðu, það á ekkert skilið.

Lítið tips: Í New York er tæplega 9% söluskattur á öllu (8.875%). Þannig að þegar þú færð reikninginn, þá sérðu hvað veitingastaðurinn rukkar fyrir matinn, og fyrir neðan sérðu hversu mikill skattur er rukkaður. Það er því mjög einfalt að tvöfalda bara skattinn og þá veistu sirka hvað 18% þjórfé er mikið.

Eitt er samt erfitt að átta sig á, og fólk getur kannski tjáð sínar skoðanir í athugasemdakerfinu, er hvort þú gefur þjórfé af heildar upphæðinni (eftir skatt) eða hvort þú gefur bara af upphæðinni fyfir matinn (verð fyrir skatt). Persónulega reikna ég út frá heildar upphæðinni (en ég gef líka nánast alltaf 20%), en ég veit að margir New York búar gefa 15% af upphæðinni fyrir skatt, sem mér finnst vera í lægri kantinum. Ég held að ef þú ert ferðamaður sem hefur efni á því á annað borð að ferðast til New York, þá munar þig nú ekki um reikna þjórfé af heildar upphæðinni.

Lokaorð! Ekki vera nísk(ur) nema fólk hafi unnið fyrir því!

Flokkar: Hagnýtar Upplýsingar
Stikkorð: , , , , , ,
Athugasemdir: 2 athugasemdir